منتديات توب ميكس
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات توب ميكس

منتديات توب ميكس
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  

 

 قصة مطلوب عريس - الحلقة العاشرة - Mr.soka

اذهب الى الأسفل 
كاتب الموضوعرسالة
Admin

Admin


ذكر
برجى : الميزان
مشاركات : 18
نقاطى : 3705
السٌّمعَة : 0
تاريخ الميلاد : 01/10/1993
التسجيل : 03/03/2014
العمر : 30
الموقع : topmix.rigala.net
العمل : مهندس كمبيوتر
المزاج : مخنوق

قصة مطلوب عريس - الحلقة العاشرة - Mr.soka Empty
مُساهمةموضوع: قصة مطلوب عريس - الحلقة العاشرة - Mr.soka   قصة مطلوب عريس - الحلقة العاشرة - Mr.soka Emptyالجمعة مارس 14, 2014 3:08 pm

قصة مطلوب عريس فورآ


الحلقة *10*


قصة مطلوب عريس فورا 10 وبعد ما مروه نشفت افتكرت انها مخدتش هدومها معاها وقعدت تفكر تعمل ايه في الكارثه ده ؟؟؟؟؟؟؟؟؟؟؟؟؟؟ وبعد كده قررت انها تنادي ادهم يديها الشنطه فطلعت راسها بس وندهت عللى ادهم بكل ثقه: مروه:ادهم ..ادهم.. ( بس مردش قالت معقوله خرج عشان تاخد راحتها ده يبقى ذوق اوي ) مروه:ادهم................... ( ادهم بقى كان سامعها بس عمل نفسه نايم عالكرسي ) مروه طلعت راسها كلها لقيته نايم نوم عميق زي بتاع المطار وهي مش عايزه تخرج لافه نفسها بالفوطه فقعدت في الحمام وبعدين ابتدت تحس بالبرد فقررت انها تخرج عشان تجيب الشنطه من بره وتدخل علطول تاني وقعدت تركز جدا انها هتجري بسرعه وترجع بسرعه ومن غير صوت عشان ادهم ميصحاش...... وفعلا فتحت الباب وبصت على ادهم لقيته نايم لسه ..فخرجت بشويش خالص وادهم بيبص من بين رموشهوماسك نفسه من الضحك وحس ان مروه ده اخف دم قابله في حياته ووصلت مروه لحد الشنطه ومسكتها وابتدت تجرها للحمام وفجأه سمعت صوت مرعب :خخخخخخخ خخخخخخخخ خخخخخخخ فاتخضت والشنطه وقعت على الارض وعملت صوت ومروه دمها وقف لانها فقالت اكيد هيصحى بس لقيته لسه مكمل نوم فضحكت وقالت الحمد لله ان نومه تقيل ومسكت الشنطه وجري على الحمام وقفلت الباب وادهم دخل البلكونه وفضل يضحك على منظرها ................... وبعد عشر دقايق خرجت مروه لابسه بيجاما ساتان كات ولونها اصفر وكانت قافله كل الزراير لحد رقبتها ولامه شعرها على فوق ومش حاطه ميك اب لكن برده ريحتها وصلت لادهم اللي خرج من البلكونه وقالها : ادهم:انتي اتأخرت اوي مروه وهي جد جدا:كنت باخد حمام انت لسه صاحي ادهم:انا نمت شويه عالكرسي وصحيت , تحبي نطلب عشا؟ مروه افتكرت انها مكلتش حاجه طول اليوم عشان التوتر فقالت :اه ده انا جعانه خالص ادهم مسك التليفون وطلب عشا جامد وفضلوا واقفين في البلكونه ساكتين لحد ما الاكل يوصل وبعد شويه خبط الباب وادهم راح يفتح وجاب العشا وحطه على الترابيزوقعدوا ياكلوا والمره ده ادهم هو اللي كان بيتفرج على مروه وهي بتاكل فسألها: ادهم:انتي آخر مره كلتي امتى؟ مروه:امبارح الظهر ادهم:ليه كده؟ مروه:كنت مشغوله جدا وادهم شرب بس عصير وبعد ما مروه خلصت اكل راحت غسلت سنانها وخرجت من الحمام بتدعك في عينيها من كتر الارهاق وبصلها ادهم وهي هاديه كده ومن غير ميك اب وحس ان شكلها عندها 17 سنه مش 27وضحك فمروه بصتله وهي مكشره : مروه :بتضحك على ايه؟ ادهم:اصل شكلك تعبانه اوي مروه:اه وعايزه انام ,تصبح على خير ( ودخلت السرير واتغطت وهي مش قادره تفتح عينيها ) وفجأه حست بحركه جنبها عالسرير فقامت مخضوضه بصت لقيت ادهم نايم جنبها بس فآخر السرير واداها ظهره واتغطى فقالت بانفعال: مروه:انت هتنام هنا؟؟؟؟؟؟؟؟؟؟؟ ادهم:اه امال هنام فين ؟ تصبحي على خير مروه:مينفعش تنام هنا قام ادهم وقعد واكتشفت مروه انه مش لابس حاجه من فوق فغطت عينيها وقالت: مروه:ايه ده؟؟؟؟؟؟؟؟؟؟؟ ادهم :ايه؟ مروه :البس هدومك ادهم :مبعرفش انام غير كده وبعدين بصي بقى انا تعبان وعايز انام واعتبريني مش نايم جنبك سيبيني بقى عايز انام مروه:انا مش بحب حد ينام جنبي ادهم:خلاص روحي نامي على الكرسي آه ممكن تقربي الكرسيين على بعض وتنامي على فكره مروه:انت بتتكلم جد المفروض انت اللي تنام على الكرسيين ادهم:انا مش هقوم من السرير واتغطى و نام وفضلت مروه متغاظه منه وقامت تنام على الكرسي بس بعد ساعه ظهرها وجعها وكانت هتعيط من التعب فبصت لقيت ادهم نايم مرتاح ففكرت انها هتدخل الناحيه التانيه من السرير من غير ما يحس...................... وحس ادهم بيها وهي داخله السرير فقال لنفسه يا ساتر ده انتي عنديه بطريقه وضحك ونام وحس بيها لسه صاحيه عشان كانت بتتحرك كل شويه وبعد ساعه حس بيها نامت فضحك ونام بعد ما اطمن انها نامت .............. وصحي ادهم الصبح لقي مروه الغطا متشال من عليها وشعرها مفكوك وكمان حاطه رجليها عليه ودراعها فوق صدره وفرح اوي وعمل نفسه نايم وبعد شويه اتحركت مروه وصحيت لقيت نفسها تقريبا حاضنه ادهم فبعدت عنه وقالت الحمد لله انه نايم وقالت ده عيب اللي بيتحرك كتير وهو نايم وحاولت تقوم براحه فاتحرك ادهم وحط دراعه حواليها وهو نايم فمتحركتش وحاولت تبعد دراعه براحه بس اول ما لمسته قرب منها اكتر وهو نايم فحست انها مكسوفه فصحته: مروه: ادهم..ادهم ادهم:ممممممم ثواني يا ماما وهصحى مروه وهي متغاظه:ادهم ادهم:ممممممممممم مروهبصوت عالي:ادهم ففتح ادهم عينيه وعمل نفسه مخضوض:فيه ايه؟ مروه:ممكن تبعد ايدك عني ادهم بص كأنه مش قاصد وقال: ايه ده ايه اللي جاب دراعي هنا؟ مروه:مش ده المهم المهم انك تبعده عشان عايزه اقوم ادهم :حاضر انا آسف مروه بثقه :خلاص حصل خير تحب تدخل الحمام الاول؟ ادهم:اه هروح انا ودخل الحمام وقفل الباب وحست مروه انها كانت هتموت من الخوف بس ربنا ستر واستنت لما ادهم يخرج عشان تدخل تغير هدومها................ وبعد ربع ساعه خرج ادهم وبصت مروه لقيته لافف فوطه حوالين وسطه ومش مكسوف ولا حاجه وراح الدولاب طلع هدومه وقالها: ادهم:ممكن تدخلي الحمام عشان اعرف البس اصلي بتكسف مروه:طلعت تجري على الحمام وقفلت الباب وادهم لبس هدومه وهو بيضحك..........................................
الرجوع الى أعلى الصفحة اذهب الى الأسفل
https://topmix.rigala.net
 
قصة مطلوب عريس - الحلقة العاشرة - Mr.soka
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصة مطلوب عريس - الحلقة الحادي عشر - Mr.soka
» قصة مطلوب عريس - الحلقة الثانية عشر - Mr.soka
» قصة مطلوب عريس - الحلقة الثالثة عشر - Mr.soka
» قصة مطلوب عريس - الحلقة الثالثة - Mr.soka
» قصة مطلوب عريس - الحلقة الرابعة - Mr.soka

صلاحيات هذا المنتدى:لاتستطيع الرد على المواضيع في هذا المنتدى
منتديات توب ميكس  :: الاقسام العامة :: قصص وحكايات-
انتقل الى: